ومضات حوار بين ( الام وابنها الشهيد)

استعرض الموضوع السابق استعرض الموضوع التالي اذهب الى الأسفل

ومضات حوار بين ( الام وابنها الشهيد)

مُساهمة من طرف MEDICINEDZ في السبت 13 يونيو - 22:33




الام
ييمه أشلون رحت أو وين ضليت
اجو كل اصدقائك ونته ما جيت
اتانيـك أبغيابك كارهـــه البيت
وبسمك حيل اصيح أبصـوت مجنون

الابن
ييمه ارجوچ فدوه أوكافي الدموع
ولا تبچين يمه أبصوت مسموع
يمه اعله الگبر شعليلي لشموع
ولا أتهلين يمه أدموع العيون

الام
ربيتك ييمه وصارلي أسنين
اتاني أبيوم اشوفك تملي العين
وأحني أبيوم عرسك كل الايدين



جبتلك حنه يمه أتعوفني أشلون

الابن
ييمه الحنه ثـوبيهه الشبابي
عـذريني يمه ارجـوچ مجبور أبغيابي
اعوفچ يمه ما چان أبحسابي
بس الـزمن قاسي أوبچه الجفون


الام
ييمه انته حياتي وعمري وعضاي
عفتني أشلون بيه أتشمت اعداي
اون عليك اضلن طول دنياي
وخلي أعيوني من النوح يدمون

الابن
دمعاتچ ييمه افديها بالروح
تركتچ گلبي يمه اعليچ مجـروح
وحس أعيوني تبچي أو دمعتي أتنوح
وكثر دمعاتي يمه أتفيض الكـون


الام
گلبي بغيبتك يمه نشـــدني
ياهو الغسلك يوليــدي يبني
غم الموت يمه الخــذك مني
وودعك يمه گمت ويه اليودعون

الابن
الله وياچ يمه أمسافر ابعيـد
ولا تنسيني يمه لـو يجي العيد
تعاليلي ارد اشوفچ ضايج أوحيد
وباوع عالـدرب بلكت تمرون

الام
تباوع عالدرب بلكت نمر ليش
انه بليـاك يمه بعد ما عيش
بعدك عاصفه وروحي صفت ريش
وشفت روحك تعزي أويه اليعزون

MEDICINEDZ
black wow
black wow

عدد المساهمات : 100
نقاط النشاط : 300
التقييم : 0
تاريخ التسجيل : 13/06/2015

الرجوع الى أعلى الصفحة اذهب الى الأسفل

رد: ومضات حوار بين ( الام وابنها الشهيد)

مُساهمة من طرف تقوى الله في الأحد 28 يونيو - 21:15

شكرا جزيلآ على الطرح الطيب Smile

تقوى الله
black vip
black vip

عدد المساهمات : 476
نقاط النشاط : 981
التقييم : 3
تاريخ التسجيل : 28/06/2015

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى

  • © phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك الخاصة مجانيا
    الساعة الأن :